Vukosi bya Amampondo byi ala hosi leyintshwa

Va yindlo ya vukosi ya Amampondo va arile ku amukela Prince Dumelani Daluxo Sigcau. Tani hi hosi ya Amampondo loyi a hlawuleke hi holobyenkulu wale Eastern Cape, Oscar Mabuyane.

Xitiviso xa holobyenkulu xi landzela hi mpfilumpfilu lowu tekeke nkarhi wo leha mayelana na vukosi.

Lebyi faneleke ku hlawula mutlhandlami wa mufi hosi Zanozuko Sigcau, loyi a nga hundza emisaveni hi 2022.

Prince Mthetho Hlamandana, loko a vulavula hi yindlo ya vukosi bya Amafaku, u tiyisisile leswaku ku xiximiwa loku a ku nga ri kona.

Tani hi leswi va pfumelaka leswaku yindlu ya vona hi yona leyi nga enawini yo hlawula hosi leyintshwa. U vule leswaku mufi hosi Zanozuko u hlawuriwile hi ndyangu wa vuhosi wa Amafaku.

Naswona u vekiwile eMzindlovu hi ku landza mukhuva wa ndhavuko. “Zanozuko u huma eNdimakude, xiluvelo xa hosi xi huma eMzindlovu.

“Hosi Zanozuko u hlawuriwile hi ndyangu wa vuhosi wa Amafaku, va n’wi teke eka Ndimakude va n’wi veka eMzindlovu hi 2011 ku yimela mfumo”.

“Ku ya hi ndhavuko wa hina aswi fanelanga leswaku munhu wo huma emutini wunwana a hlawuriwa tani hi hosi”.

“Ndyangu wa vuhosi wa Amafaku hi wona lowu nga hlawula mufi hosi Zanozuko naswona va ta hlawula hosi leyi landzelaka,” ku vula Prince Harmandana.

Kambe Premier Mabuyane u sirhelele xiboho xa yena. A a vula leswaku xi kongomisiwile hi vuavanyisi bya khoto ya vumbiwa na gqweta ra nawu.

Source – SABC News
Translator – Mapula Glashy Makoto