Vunanga bya Xitsonga 

Vuyimbeleri bya Xitsonga bya tsakisa swinene, vanhu vo tala va byi tlangisa eminkhuveni yo hambana – hambana. 

Xinwani xi endlaku leswaku byi rhandziwa i mabelo ya tinsimu takona. 

Xigubu naxona xi wela eka vuyimbeleri bya Xitsonga laha hi nkumaka ntlawa wa vanhu va ri karhi va yimbelela, vanwani va ri karhi va chaya switswiriri va ri karhi va cina Xibelani. 

Kuna swichayachayani swa marimba na swa katara hinkwaswu swi fambisana na ncino wa xibelani.

Nozinja hi wun’wana wa vachayi wa vunanga bya Xitsonga laha a hlanganisa machayelo ya ndhavuko ni ya manguva lawa, leswi hi swinwani aswi nyanyula vanhu lomu makhwayeni swi endlile a duma swinene.

Dr Thomas Chauke i xiyimbeleri xa ndhuma eka vunanga bya Xitsonga lexi nga ni masagwadi yotala swinene, vuyimbeleri bya vona bya aka, byi ni mongo, byi dyondzisa munhu swa vutomi leswi hi swinwani swi nga endla leswaku na vona va duma swinene eka vuyimbeleri bya Xitsonga. 

Naswona hlaya: Wiambalo swa Vatsonga swa ndhavuko

Vunanga bya Xitsonga bya kereke nabyona byi kahle vanhu votala va rhandza ku byi yingisela hikuva byi horisa mbilu, byi tlhela byi tisa kurhula