Nhlangano wa mahungu yi vikile leswaku nwatipolitiki loyi anga mahungwini hikwalaho ko lwisana na xihlawuhlawu xa tindzimi [tribalism], Ntsako Shivambu u vula leswaku rixaka ra Vatsonga ri le hansi ka minhlaselo hi tinxaka tinwani ta limpopo.

Shivambu uri loko mi languta kahle swilo leswi nga endliwa hi holobyenkulu Ntsanwisi etindhawini ta Giyani na Malamulele swi rhurhile swi tlhela swi onhiwa

Ndhawu ya Giyani ayiri na Airport, tindhawu ta ku hlonipheka ku katsa na xitichi xa rixaka kambe namuntlha swi nyamalarile.

Ndhawu ya Giyani yi na swikolo swa nkoka swo fana na Kheto laha namuntlha swi nga hundzuka marhumbi.

Shivambu u ri xikombiso xa kahle, xibedlhele xa Nkhensani xi ye ehansi ivi xa le Venda xa Tshilidzini xi tlakusiwa hikwalaho kova rixaka ra vatsonga ri tekeriwa hansi.

Vanwani va paluxa leswaku mpahla ya khale ya le xibedlhele yi yisiwa ka xibedlhele xa ka Malamulele.

Tindhawu ta Giyani ti hundzuki ndzhawu yo tlangela eka yona, vanwatipolitiki lava dyelaka hi vanhu ka rixaka ra Vatsonga

Namuntlha vatsonga ava na nchumu naswona kuhava vanhu vo rhangela rixaka leri laha ri nga hundzuka rivala ra ku tlangela kona.

Translator: Mapula Glashy Makoto