Ntombi Ya Mutsonga

Masingita Shibambu loyi a tivekaka hi vito ra Ntombi ya Mutsonga u beburiwile etikweni raka Matiyani eka Malamulele ehansi ka Masipala wa Collins Chabane eLimpopo.

Mutsari, tlhelo Muphati loyi wa malembe ya 25 hi vukhale u yile eUniversity of Limpopo laha a endla BA in Media, u tlhele a endla khoso ya Project Management eUniversity of Cape Town.

U sungule purojeke ya Ntombi Ya Mutsonga Foundation, a tlhela a tsala buku ya switlhokovetselo leyi vitaniwaka ‘Xewani ‘.

Masingita hi unwana loyi a nga amukela President Cyril Ramaphosa hi 2020 eka State of the Nation Address, a tlhela a teka masagwadi eka South African Traditional Music Awards hi 2021, 2022 u teke ya Best Traditional Praise Singer, hi 2021 a teka ya Limpopo Music Awards.

“Ku phata ni vutlhokovetseri minkarhi hinkwayo i xiphemu xa ndzhaka ya mina, naswona i ndlela ya matimba yo hlayisa mindhavuko ya hina na ku tihlanganisa na timitsu ta hina. I ndlela ya mina yo tlangela vutivi bya hina na tani hi maAfrika-Dzonga”. Ku vula Masingita eka Sowetanlive

Translator : Mapula Glashy Makoto