Tiko ra ka Nkuzana rikuma doroba ra rona

Holobyenkulu wa Limpopo Dr Phophi Ramathuba u vonile ku sayiniwa ka memorandamu ya ku twisisana exikarhi ka masipala wa xifundzha xa Vhembe, masipala wa ndhawu ya Collins Chabane na ntlawa wa tikhamphani ta Masingita leti pfulaka ndlela yo ya emahlweni eDorobeni ra Nkuna eka Nkuzana.

Nhluvukiso lowuntshwa lowu rhangelaka hi Masingita Group na tikhamphani tin’wana letitsongo wu na mpimanyeto lowu ringanyetiweke wa R6 wa tibiliyoni eka ku akiwa ka doroba ro saseka.

Ku tiyisisiwa leswaku mfumo wu nyikerile hi R50 wa timiliyoni eka phurojeke hi nkarhi wa ntungu wa Covid-19 , leswi hlweriseke ku sungula ka phurojeke.

Doroba ra Nkuna loko ri hetisekile ri ta va na tihotela, ndhawu yo xavisa, switirhisiwa swa dyondzo, garaji, ndhawu yo tshama eka yona, na ndhawu ya khonferense.

Translator : Mapula Glashy Makoto